හරිත රුධිරධාරීන් කළ යුත්තේ ඉවසීමයි – Green blooded, you have to wait

Sajith

එක්සත් ජාතික පක්ෂයට අනුබද්ධ “ග්‍රීන් බ්ලඩ්”සංවිධානයේ මහසභා රැස්වීමක දී අපූරු එකඟතාවයකට පැමිණ තිබේ.එනම් එක්සත් ජාතික පක්ෂය බලය ලබාගැනීමට කටයුතු කල යුතු බවයි.(මෙය අලුත් දෙයක් නොව දශක කීපයක් පරණ එකඟතාවයක් බව අපි දනිමු.)එමෙන් ම ඒ සඳහා සැලසුමක් ද ඔවුන් විසින් සම්මතකොට ගෙන ඇත.එම සැලැස්ම සැකෙවින් මෙසේය.

එක්සත් ජාතික පක්ෂයේ මීලඟ නායකයා විය යුත්තේ සජිත් ප්‍රේමදාස මහතාය.නමුත් ඔහු ජනාධිපතිවරණයක් හෝ මහමැතිවරණයක් බඳු ජාතික මට්ටමේ මැතිවරණයක දී පක්ෂය මෙහෙයවිය යුතුනොවේ.ඔහු මුලින් ම මෙහෙයවිය යුත්තේ මීලඟට පැවැත්වීමට නියමිත (මෙය කියන්නේ  “ග්‍රීන් බ්ලඩ්”සංවිධානයයි-මූලාශ්‍ර පැහැදිලි නැත)දකුණු පලාත්සභා මැතිවරණයයි.එය ජයගෙන “රජය පැරදවිය හැකියි“යන මතය ජනතාව තුලට කාවද්දා ඊලගට එන ජාතික මට්ටමේ මැතිවරණය සජිත් මහතා ගේ නායකත්වය යටතේ පහසුවෙන් ජයගත හැක.

එම සැලසුම සාර්ථකත්වයට පූර්වාදර්ශ ලෙස ඔවුන් පෙන්වන්නේ 1993දී වසර 17ක එ.ජා.ප පාලනය බිඳ දැමීමට පොදුජන එක්සත් පෙරමුණ දියත් කළ සැලැස්මයි.ඒ වන විට ජනප්‍රියත්වයෙන් පිරිහී සිටි ශ්‍රි ලංකා නිදහස් පක්ෂ නායිකාව වන සිරිමා බණ්ඩාරණායක මැතිණිය නායකත්වයේ සිටියදීම බස්නාහිර පලාත් සභා මැතිවරණය සදහා වඩා ආකර්ෂණීය තරුණ නායකත්වයක් ලෙස චන්ද්‍රිකා මැතිණිය ඉදිරිපත් කොට ඉන් ජය ලබා ඒ ජය මාවතේ ඉදිරියට ගොස් ඇය විධායක ජනපති පුටුවේ හිඳුවීමට හැකියාව ලැබිණි.

අලුත් අදහසක් වුව ද මේ සුරංගනා කතාවේ හිදැස් රාශියක් ලේඛකයාට පෙනේ.වසර 17ක එ.ජා.ප පාලනය බිද දැමීමට ඇත්තටම මුල්ම වෙඩි මුරය තැබුවේ 1993 බස්නාහිර පලාත් සභා මැතිවරණය නොව ඊට පෙර පැවති දකුණු පලාත් සභා මැතිවරණයයි.දකුණු පලාත සාම්ප්‍රදායිකවම එ.ජා.ප යට අවාසි සහගත “වමට බර“ප්‍රදේශයකි.එ.ජා.ප රජයට විරුද්ධව  ජනතා විමුක්ති පෙරමුණු කැරැල්ල දරුණුලෙස ම පැවතුනේ ද එනිසා ම රජයේ දරුණු මර්ධනයට වඩාත් ලක්ව සිටියේ ද දකුණු පලාතයි.රජය කෙරෙහි ජනතාව වඩාත් ම කලකිරී සිටියේ ද දකුණු පලාත තුලය.කෙසේ වුවද මේ සියලු වාසිදායක සාධක මත පවා එම මැතිවරණය ශ්‍රී.ල.නි.ප ප්‍රමුඛ සභාගය ජයගත්තේ සීමිත ඡන්ද ගණනකිනි.(නමුත් කුප්‍රකට ෆ්‍රැන්සිස්කුකරණය නම් ක්‍රියාවලිය හා රජය හා විපක්ෂය අතර බල අරගලය තියුණු විම නිසා දෙවන මැතිවරණයක් පැවැත්වීමට සිදුවූ අතර එයින් විපක්ෂය පැහැදිලි ජයක් ලැබීය).

“ග්‍රීන් බ්ලඩ්”පවසන පරිදි ම මීලඟට පැවති පලාත් සභා මැතිවරණයට චන්ද්‍රිකා මැතිණය ගේ නායකත්වය යටතේ ශ්‍රී.ල.නි.ප ඉදිරිපත් ව ජයලැබූ බව සත්‍ය වුවද එම ජයග්‍රහණය පිටුපස තිබූ එකම සාධකය ඇය නොවේ.මේව වන විට එ.ජා.ප ය සිටියේ දෙකඩවීමට ලක්වය.ලලිත් ඇතුලත්මුදලි,ගාමිණි දිසානායක වැනි එ.ජා.ප නායකයින් ජනාධිපති රණසිංහ ප්‍රේමදාස මහතාට එරෙහිව ඉදිරිපත් කරන ලද දෝශාභියෝගය හේතුවෙන් පක්ෂයෙන් නෙරපනු ලැබ සිටි අතර කලකිරුණු එ.ජා.පාක්ෂිකයන් ඔවුන් ගේ නායකත්වයෙන් යුතු ප්‍රජාතන්ත්‍රවාදී එක්සත් ජාතික පෙරමුණ (රාජාලියා)වටා ඒකරාශි වෙමින් සිටියහ.සැබැවින් ම චන්ද්‍රිකා මැතිණියට බස්නාහිර පලාත්සභාවේ බලය ලබාගැනීමට හැකි වූයේ මැතිවරණ ප්‍රතිපල නිකුත්වීමෙන් අනතුරුව ප්‍ර.එ.ජා.පෙ සමඟ සන්ධානගත වීමෙන් පසුව බව ද මෙහිදී සිහිපත් කළ යුතුය.(ප්‍ර.එ.ජා.පෙ සැලකෙන්නේ ලංකා දේශපාලන ඉතිහාසය තුල එදාමෙදා තුර බිහිවූ හොදම තුන්වන් බලවේගය ලෙසයි).

එදා තත්වය අද හා සසඳා බලමු.අද පාලක පක්ෂය තුල එදා එ.ජා.පය තුල තිබුණා මෙන් පිපිරීමක් දක්කට නැත.(විධායක ජනපතිට එරෙහිව දෝශාභියෝගයක් ගෙන ඒම කෙසේ වෙතත්,18 වන ආණ්ඩු ක්‍රම ව්‍යවස්ථා සංශෝධනය හරහා ඔහු ගේ ධුර කාලය ද අසීමිතව වැඩිකරදී ඇත).යුධ ජයග්‍රහණය නිසා ජනතා චිත්ත සන්තානය තුල ලැගුම් ගෙන ඇති රජය කෙරෙහි ඇති ප්‍රසාදය තවත් චිරත් කාලයකට මෙලෙසම පවතිනු ඇත.මෙය හැම රජය මැතිවරණයක් ම දිනවන අදිසි බලවේගය යි.

දකුණු පලාත කොහොමටත් එ.ජා.ප යට අවාසිදායක ප්‍රදේශයකි.(සටනක් ඇරීඹීම සඳහා එ.ජා.ය ට කොළඹ හෝ මහනුවර මීට වඩා හොදය) .

එනිසා කණගාටුවෙන් වව ද හරිත රුධිරධාරීන් ට කිවයුතුව ඇත්තේ ඔබේ සැලැස්ම අසාර්ථක වනු ඇති බවයි.සජිත් ප්‍රේමදාස මහතා පාර්ලිමේන්තුවෙන් ද ජාතික දේශපාලනයෙන් ද එලවා දමා දකුණු පලාත් සභා විපක්ෂ නායක ධුරයේ සිරකොට තැබීමට නම් මේ සැලැස්ම පංකාදුය.

දශක කීපයක් තිස්සේ විපක්ෂයට වී සිටීම නිසා හරිත රුධිරධාරීන් හෙම්බත් වී ඇතුවාට සැකයක් නැත.නමුත් කුමක් හෝ හයිය වැල්පොටක් පෑදෙන තුරු මේ ඉඩෝරය ඉවසාගෙන සිටිනවා හැර විකල්පයක් ඔවුන්ට නැත.

Advertisements

About ජයශ්‍රී

සිංහල බෞද්ධයෙක්මි

Posted on 06/10/2013, in කාලීන, මතවාද and tagged , , , , , , , , , , , . Bookmark the permalink. 4 Comments.

  1. mekage maha eka eda Dudly ta wiruddawa kerali gesuweth oya akarayata thama. mun radaw.

  2. මචං මේක ලේ කොලපාට වීම නිසා ඇතිවෙන අසනීප තත්වයක්. නව්සිලන්ත තෘණ යායකට යැව්වානම් හමත් කොලපාට වෙයි.

  3. බොහෝ දෙනෙක් බොහෝ ප්‍රශ්න වලදි වරද්දගන්න තැනක් තමයි මේ. ජයශ්‍රී මේක නිවැරදිව දැකල තියනව.

    ඒ තමයි විවිධ කාලයන් වල සිදුවූ සිදුවීම් බාහිර සාධක ගැන නොසිතා සමාන කිරීමට උත්සාහ දැරීම. මේ උදාහර‍ෙණ විදියට, 93දි චන්ද්‍රිකා බලයට පැමිණි ආකාරයට දැන් සජිත්ට එන්න පුළුවන් කියල හිතීම. මේවගේම කුප්‍රකට මතයක් තමයි මනාප ක්‍රමය අහෝසි කරල දැම්ම පමණින් 77ට එහා තිබුන (සාමකාමී යයි කිවහැකි) මැතිවරණයක් අපේක්ෂා කිරීම. මේ හැම තැනකදීම ඒ ඒ කාලයන් වලදි තියන සමාජ ආර්ථික දේශපාලන තත්වයන් මිනිස්සු අමතක කරනව.

    එජාපයේ අවුල ගැන නම් කලින් කතා කලා. රනිල් ඉවත් නොවී ප්‍රශ්නය විසඳන්න බෑ. නායකයා කවුද කියන එක ඉන් පසු ඇති ප්‍රශ්නයක්.

  4. @හේන මාමා, කැරලි ගැන කියනව නම් මාමේ මෙයා කරලි ගහන්නේ හැංගිලා ඉදන් කඩේ යන අය ඉස්සරහට දාලානේ!
    @අරූ,බලය ලැබුනම නම් ලෙඩේ හොදවෙයි.හැබැයි අපට ලෙඩක් වැටෙයිද දන්නේ නෑ.
    @රාජ්,පැහැදිලිවම.ඔය මනාප ක්‍රමයට පක්ෂව ලිපි ශ්‍රේණියක් ම ලියුව මම.සමහර විට ඔබ කියවා ඇති.නොඑසේ නම් යොමුව ඔස්සේ ගොස් කියවා බලන්න.

ඔබේ අදහස් දහස් වටී ....................

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: