සුදු අලි පුරාණය (අතීත කතාපුවතකි) – An old story

අල්ලපු ගෙදර ලොකු අයියා දුන්    මහරූ
තෑගි රැසක් ඇත අප පින් බිම        ඇතිරූ
ඒ හැම තෑගි පරදා අප සිත්              පෑරූ
මරාලයක් ඇත මේබිම හෙලු        රුහිරූ

නවසිය අසූහත වන විට රටම            පෙලූ
කොටි සටනකට උත්තර ලෙස      දුන්නාලු
රජිව් සමග ජනපති ජේඅර්                 මහලු
ඒ ගැසු ගැටය තවමත් අපි            ලිහනවලු

ඉන්දු ලංක ගිවිසුම ලෙස                 පරසිද්ද
ඒ ගිවිසුමෙන් සිදුවිය ලොකු දේ           සිද්ද
අගමැති රජිව් පිලිගත් හැටි දී                සද්ද 
නාවික බැටන් පොල්ලකි හිස මත        විද්ද

උතුරේ තිබුණු ගින්දර නිවනා         ලෙසින
ගිවිසුම ගැසුව මුත් අයියා හා           කලණ
සිදුවූ අබග්ගය කිමදැයි අසනු             මැන
තව ගින්දරක් ඇති උනි සිරිලක       දකුණ

මව්බිම නොමැති නම් මරණය සැපයි              කියා
අවිගත් දකුණෙ කොල්ලොත් පෙරමුණට        ගියා
කුලුගෙඩියකින් බිත්තරයක් බිඳිනු                  නියා
ටයර් සෑය මත කොල්ලන් දැවී                       ගියා

ඉඳුරුව ගමේ ආචරිට                      උනුදේම
අප ආචරියට මෙදවස                         සිදුවීම
දෛවය කුරිරු වී සරදම්                   ඉඟිපෑම
වැසියන් නෙතින් බලමින් ඉවසනු       කෝම

පලා බබා නම් සුදු අලියෙක්                   ලැබුණා
නැගෙනහිරට උතුරත් එක් වී                  බෙදුනා
කොටි හා සටන් කෙරුමට කියමින්      නොමනා
ඉන්දිය සාම හමුදාවක් මෙහි                    ඇදුනා

උතුරේ ගැටුම විසදන්නට                     ගෙනාවක්
උනමුත් අදත් උතුරේ නෑ                        සභාවක්
ලෙඩාට නෑ ඔසු පැන් එක                    ඇබිත්තක්
ලෙඩ නැති අයට දෙයි අවුසද                  ගුලාවක්

ඉන්දිය සාම හමුදාවම ගෙදර                    යවා
උතුරින් නැගෙනහිර වෙන්කර යලි         හරවා
ඊලම හෙව්ව කොටියා බිම                දනගස්වා
අදවන විටදි වැරදි හුඟක් ඇත                 හදවා 

කාලය සමග මේ අමිහිරි                       අන්දරය
නිමවී ඇතත් හිසරදයක් ඇත                     සගය
පලාත් සභා සුදු අලි රට කරන                    ණය 
එලවා ලන්ට ගමු සුදුඅලි                      මන්තරය

(හුදෙකලාව දුම්රිය ගමනක යෙදෙන අතර ජංගම දුරකථනයේ සටහන් කළ මේ පද්‍ය, කාලීන වැදගත්කමක් හෝ විශාල අදාලත්වයක් නැතත් තනිවම රසවිඳිනවාට වඩා තව පිරිසක් සමග බෙදා ගැනීම හොදයයි සිතූ බැවින් මෙසේ බ්ලොගයේ පල  කෙරේ.)

Advertisements

About ජයශ්‍රී

සිංහල බෞද්ධයෙක්මි

Posted on 17/03/2013, in පද්‍ය. Bookmark the permalink. 4 Comments.

  1. සුදු අලි එලවමු. එත් ඒක හිතන තරම් ලේසි නෑ….

    • ප්‍රතිචාරයට ස්තුතියි මධූ. සුදු අලි එලවන්න ඕනිකමකුත් නෑ වගේ අදාල බලධාරීන්ට .

  2. එක පයින් අත් දෙකම උස්සනවා. මගේ ඊළඟ ලිපිය ඒ ගැන..

    කවි ටික නම් ඉස්තරම් කොලුවෝ….

ඔබේ අදහස් දහස් වටී ....................

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: